Queredes saber como coñecín esta historia? Ben, non hai nada que o impida. Foi neste sitio onde descubrín o conto de Daniel Ondina, O móbil máxico. Aínda que xa está escrito, podo contar a miña versión, pois Daniel é un amigo. Se non fose así, a miña lingua transformariase nunha pedra incandescente e ningunha fonte podería apagala nunca.
Escoitade…
Un bo día Carlos paseaba pola rúa co seu amigo Fran. Mentres paseaban, falaban da tecnoloxía que había no mundo moderno. Había tantos televisores, tantos ordenadores, que ninguén se lembraba de contos como a Cincenta ou Brancaneves... Xa que, ao parecer, os nenos e as nenas tiñan outras ocupacións.
Así que, mentres camiñaban, Carlos atopou un móbil a punto de caer nos sumidoiros. Colleuno rapidamente por se era de alguén coñecido, pero parecía que estaba novo, moi novo.
Fran dixo:
-Wow!!! É o novo móbil Samsung Galaxy S.
Si, certamente molaba moito, aínda que os números 2, 4, 6 e 5 estaban brilando. Carlos pulsou eses botóns, e cando quixo darse conta a xente estaba lendo libros en vez de xogar coas consolas e videoxogos.
Era incrible. O móbil era como un libro de conxuros!
Os botóns 8 e 1 tamén brilaban. Carlos pulsounos e todo o asfalto e as beirarrúas enchéronse de flores. Parecían as flores dos contos marabillosos.
No había dúbida. Aquel móbil era impresionante!!!!
Os números 0, 7 e 9 non brilaban pero Carlos decidiu pulsalos, por se acaso. O móbil converteuse nunha espada coma a dun príncipe dos contos clásicos, e apareceron dragóns por todas as cidades do mundo.
Entón, Fran desapareceu sen máis!!!
Carlos buscouno por todas partes, ata que nunha torre de pedra viu un home estraño que facía maxia. Era Fran, pero parecía o mesmo mago Merlín.
Carlos non quería que a xente volvese a olvidar os contos do mundo. Pero tampouco quería que Fran, o seu amigo, esquecese a súa amizade. Por iso, Carlos pulsou o botón do móbil de cor vermella, e todo fixo , POOOF, POF, POF!!!!
E o mundo volveu a ser o de sempre.
Carlos seguiu pensando que facer para que os nenos recordasen os contos. Entón, abríu unha tenda onde os contos e máis a tecnoloxía poderían unirse. E así crearon o e-book, o chamado libro electrónico...