Como facer un monstro

Publicamos un traballo dun novo equipo de redacción. O seu tema é, sobre todo, o uso do ordenador e a arte dixital. E despois, por suposto, a imaxinación e a creatividade.

Estes son os pasos para facer, co programa Paint, un monstro a partir dun garabato:

1. Seleccionar o lapis ou o pincel para realizar o debuxo do teu garabato. Non temas e faino bonito.
2. Co garabato xa feito, hai que poñer todo o que necesita: ollos, brazos, pernas ou patas, boca, rabo, etc. Se queres, tamén podes debuxarlle uns cornos, unhas manchas na pel ou as súas antenas, por exemplo.
3. Despois escolles a cor que desexes para o teu monstro. Para iso utiliza o bote de pintura e preme onde queiras pintar.
4. Para rematar o teu monstro, podes inventar un nome. Emprega o botón de texto para escribir como se chama. Velaí terás todo feito…

Con estes catro pasos ben sinxelos terás, por fin, o teu primeiro monstro a partir dun garabato. Pero feito con Paint. Así que disfrútao. E lembra que todos queremos ver aquí a túa creación.

[Alejandro, Sandra]