Cincenta, Cenicienta, Cinderella

É ben sabido que a Cincenta é a personaxe principal dun famoso conto de fadas. Nas terras da Península Ibérica estamos máis familiarizados co relato dos Irmáms Grimm ou coa versión de Charles Perrault. Ademais, probablemente a maioría da xente coñece a película de Walt Disney. Con todos eses datos, a principios de novembro do pasado ano iniciamos unha pequena viaxe ao redor do mundo con Cincenta.

Agora que todo acabou, é o momento das lembranzas. É certo que algunhas cousas aínda seguen vivas, e incluso medrando. Pero a parte máis importante do proxecto está feita: imaxinar, ler e escribir, dicir e contar…

• A nosa viaxe empezou en China, co conto O peixe da felicidade. Nel coñecemos a Ye Xian, que segundo din moitos foi a primeira Cincenta.
• En Exipto, xunto ao río Nilo, atopamos a Rhodopis. Como calquera outra Cincenta, tamén calzaba unhas zapatillas, aínda que se di que as dela eran vermellas.
• Máis tarde, chegamos a Francia para saber de Charles Perrault e da súa versión: A Cincenta ou A chinela de cristal. Trátase dunha das adaptacións máis famosas.
• En Alemaña atendemos aos irmáns Grimm, Wilhelm e Jacob, que reescribiron a súa propia versión da Cincenta. Algúns dos seus elementos son ben coñecidos, pero outros non tanto.
• Un día puidemos volver a España para descubrir dúas antigas versións deste conto: María la Cenicienta e, especialmente, Estrellita de Oro, que chegou a América. Os dous baséanse, dalgún xeito, na obra dos irmáns Grimm.
• Tamén usamos un mapa para non perder nunca o noso camiño, que aquí podes observar.
• E, por último, xogamos coa Cincenta, coa alegría de quen sabe que afortunadamente rematou a súa viaxe.