Unha visita desde Portugal

Recibimos no noso taboleiro de noticias unha visita inesperada, pero moi moi bonita. Trátase dun profesor de Portugal, que deixou algúns enlaces para que coñezamos máis cousas do seu país, do seu colexio e da súa aula. Por iso, sabemos que eses alumnos son de idades diferentes, e que os seus nomes son: Afonso, Raquel, Luisa, Carolina, Ana Clara e Iris. Aquí están.

Este cartel interactivo está feito cunha ferramenta chamada Glogster. Se queres velo máis grande, preme no seu nome e despois onde poña View Full Size. Agora le o que escribiron e, sobre todo, escoita esas palabras nas súas propias voces. Lembra que falan en portugués…

Enlaces que compartimos

Internet está cheo de enlaces, de sitios, de páxinas que hai para descubrir. Pero ese mundo novo resulta moi grande e inmenso. Así que é importante colaborar. Se colaboramos, tamén compartimos. E se compartimos, todos aprenderemos mellor. Por iso ofrecemos agora estes enlaces, pois son o froito dunha boa colaboración…

• Juegos10.com, Juegos Gratis, Parque Tales: De parte de Antón, nos dous primeiros enlaces hai xogos, e o terceiro é de Matemáticas.
• JuegosJuegos.com, MiniJuegos.com: Enviados por Brais, e como indican os seus nomes, son páxinas de xogos.
• Caminho das letras: A profesora Teresa Pombo, desde Portugal, deixounos este enlace no noso Taboleiro de anuncios. Está en portugués, pero é fácil de comprender e de xogar.
• icogno: Neste sitio coñecerás a Joan, que é un avatar ou personaxe creado con intelixencia artificial (en inglés, AI). Serve para que practiques o inglés, escribindo as túas preguntas, que Joan responderá dalgún xeito. Tamén sabe algo doutros idiomas, como o español, por exemplo. Pero debes prestar atención, a súa intelixencia non é pequena…